Par chel o propon di clamâ chel elementut funtôr sintatic, ancje se lis gramadiis fintremai cumò lu àn clamât pronon (aton, subiet, pleonastic).
Chi sot le cjatais une tabele cun dutis lis formis libaris dal funtôr sintatic, ven a stâi chês formis che si lis metin denant dal verp. Lis formis che si tachin daûr dal verp a puedin sei un tic diviersis e a menin dongje fenomens fonosintatics. Par chel lis tratìn lì dai paradigmis verbâi.
persone | nominatîf | gjenitîf | datîf | acusatîf | locatîf | istrumentâl | riflessîf |
---|---|---|---|---|---|---|---|
I sing. | o | Ø | mi | mi | Ø | Ø | mi |
II sing. | tu | Ø | ti | ti | Ø | Ø | ti |
III sing. fem. | e | indi, 'ndi ind, 'nd int, 'nt |
i | le | i | parie | si |
III sing. masc. | al | indi, 'ndi ind, 'nd int, 'nt |
i | lu | i | parie | si |
I plur. | o | Ø | nus | nus | Ø | Ø | si |
II plur. | o | Ø | us | us | Ø | Ø | si |
III plur. fem. | a | indi, 'ndi ind, 'nd int, 'nt |
ur, i | lis | i | parie | si |
III plur. masc. | a | indi, 'ndi ind, 'nd int, 'nt |
ur, i | ju | i | parie | si |
La negazion no si le met simpri
denant dal funtôr:
No lu vûl viodi.
No ju cognòs.
No si capìs.
Se il funtôr al scomence par vocâl a,
e, o, la vocâl e cole:
Cun te no feveli!
No son i pacs che o spieti.
Marie no ven.
Atents: no + al = nol
Stiefin nol ven.
Se il funtôr al scomence par vocâl i,
u, la vocâl inte pronunciazion e passe a
semivocâl:
No i plâs. /noj/
No ur conte nuie. /nowr/
Ultime version: al prin di Dicembar dal 2003
*Furlan di Praghe *glossaris *No dome lenghe *Giorgio Cadorini *Univerzita Karlova v Praze