La mos-cje e il grî

-Bondì !-,dissè la mos-cje
-Bondì !-,dissal il grî

-Dulà vastu ?- dissè la mos-cje
-A comprâ robe.- dissal il grî

-Ce fâ de robe ? - dissè la mos-cje
-Par maridâmi ! - dissal il grî

-Cjòlimi me ! - dissè la mos-cje
-Ce fâ di te !? - dissal il grî

-Cui cjolarastu ? - dissè la mos-cje
-La furmiute...- dissal il grî

- Oh , masse pizzule !! - dissè la mos-cje
- Avonde grande ! - dissal il grî

- 'O ài la cjasute...! - dissè la mos-cje
- Le ài ancje iò ! - dissal il grî

- In dulà le astu ? - dissè la mos-cje
- In te gravute. - dissal il grî

- Se ven l'agute...! - dissè la mos-cje
- Farìn la roste ! - dissal il grî

- Mandi , mandi... - dissè la mos-cje
- Va su la forcje ! - dissal il grî

(Chei del Talpa - Grizzo (a cura di) [1976] Il canzoniere popolare di Aiello presenta 'Il Friul il popul e la so storie (Il Friuli, il popolo e la sua storia). Grizzo, 19-21.)

-Bundì! -, dissè la moscje
-Bundì! -, dissal il gri

-Dulà vâstu? - dissè la moscje
-A comprâ robe. - dissal il gri

-Ce fâ de robe? - dissè la moscje
-Par maridâmi! - dissal il gri

-Cjolimi me! - dissè la moscje
-Ce fâ di te!? - dissal il gri

-Cui cjolarâstu? - dissè la moscje
-La furmiute... - dissal il gri

-Oh, masse piçule!! - dissè la moscje
-Avonde grande! - dissal il gri

-O ai la cjasute...! - dissè la moscje
-Le ai ancje jo! - dissal il gri

-Indulà le âstu? - dissè la moscje
-Inte gravute. - dissal il gri

-Se ven l'agute...! - dissè la moscje
-Farìn la roste ! - dissal il gri

-Mandi, mandi... - dissè la moscje
-Va su la forcje ! - dissal il gri