| Li de bancje il frut al jere, | |
| al berlave a plene vôs. | |
| "No tu sâs ce che o daressis | |
| di fâti tasê un pôc! | |
| 5 | Di chi a pôc misdì al rive |
| e to pari al torne jù: | |
| nol varà la mangjative | |
| colpe tu, disgracie, tu! | |
| Muci! Cjo, ocat, cjarute - | |
| 10 | zuie! - velu chi'l to gjal!" |
| Nuie gjal ni cjar ni ocjute, | |
| tal cjanton ju fâs svualâ. | |
| E ancjemò ta chel disio - | |
| "Ch'a ti muardi une âf! | |
| 15 | La Marandule, babio, |
| jo te clami daurman! | |
| Ven po Gjatule Marandule, | |
| cjol sù, cjol chel osteat!" | |
| Cualchidun li fûr de puarte | |
| 20 | za la mantie al à cjapât. |
| Muse dure, brute, strambe, | |
| la mantele no je gnove, | |
| un baston, stuarte la gjambe, | |
| la vôs - une bissebove! | |
| 25 | "Chi chel frut!" - "O Madonute, |
| jo ti prei di perdonâ!" | |
| Di murî si je sintude, | |
| la Marandule je ca! | |
| La Marandule e strisse | |
| 30 | diluncvie dal taulin |
| e la mari no respire | |
| strent il frut intal so grin. | |
| E viodintlu e pense a prime - | |
| puar, puar chel frutin! | |
| 35 | La Marandule vissine |
| lis sôs sgrifis za e tint. | |
| Za parsore il frut si cjatin | |
| che la mari a fuart lu strenç: | |
| "Madonute mê dal Carmini!" | |
| 40 | e cole pierdint i sens. |
| Scolte, la cjampane e sune - | |
| undis - dodis - 'l è misdì; | |
| a si vierç la puarte intune - | |
| ve, il pari al è chi. | |
| 45 | E la mari e je par tiere, |
| tal sen strent il frut e à; | |
| jê salvâle si podeve, | |
| ma il frut nuie - scjafoiât. |
(Voltât par furlan di Giorgio Cadorini, doprant:
"Polednice". In: Erben, K.J. (1997). Kytice z povesti
narodnich.
Praha, 41-43.)
Ultime version: ai 9 di Avrîl dal 2002
*No dome lenghe *Furlan di Praghe *glossaris *Giorgio Cadorini *Univerzita Karlova v Praze