Escursion: la storie dal Friūl a Praghe

[PDF]

Il Carolinum (Ovocny trh 5; visite: dipartiment organizatīf, retorāt) al č il toc chel plui vieri de Universitāt "Carli IV" di Praghe e cheste e je in Europe la cjase doprade di une universitāt di plui timp di dutis, par vie che chźs altris universitāts antighis no son plui intai palaēs dulą che si cjatavin a pene viertis.

La fondazion (dal 1348) e fo un dai grants fats di buine aministrazion dal imperadōr Carli IV, chel che al puartą la capitāl dal Imperi a Praghe. Carli al jere bon amģ dal nestri patriarcje Beltram, anzit, par vie che Beltram al veve un trente agns di plui, lu podģn considerā un dai mestris dal zovin Carli.

Beltram, prime di vignī in Friūl, al jere professōr li de universitāt di Tolose. Intai agns 1342, 1343 e 1344 al domandą al pape di vierzi une universitāt a Cividāt, ma nol ve rispueste positive. Carli al doventą imperadōr dal 1346 e za di li a doi agns al fondą la universitāt.

Chest grant imperadōr al fondą diviersis universitāts. La seconde e fo chź di Cividāt (dal 1353), intal timp che al jere nestri patriarcje so fradi Nicolau.

Intal palaē nus interessin massime dōs stanziis. Une e je la Aula parva (Mala aula), dulą che al č picjāt il ritrat dal vescul di Praghe Francesc Ferdinant Khünburg, nassūt a Gurize e di famee gurizane. Si trate di une vore de boteghe di Petr Brandl di daspņ dal 1710.

Impuartantone e je la Sale dai Patriotics (Vlastenecky sal). Chi si cjatave la Reāl Societāt Boeme des Siencis dal 1785 al 1880. Chest trop di studiōs al fo il protagonist di une grande pensade che ur judą une vore ai Cecs a vignī fūr di un stāt di minorizazion etniche. Si tratave de idee di fā viodi ce che si jere bogns di fā ancje cence il jutori dal guvier di Viene. E cussģ, tant che socie di privāts, a puartarin indenant voris sientifichis dal nivel chel plui alt, cjolint vie la burocrazie e lis leēs imperiāls cence fāi māl a di nissun. E ancje par cheste reson i Cecs a son braurōs di jessi cecs.

Ma tornģn ae Furlanie. Un dai amīs dai studiōs cecs al fo Giuseppe Valentinelli, che ai 23 di Otubar dal 1854, propit a Praghe, al metč sł i studis furlans cuntune relazion pe Reāl Societāt Boeme des Siencis [Valentinelli, G. (1856). "Degli studi sul Friuli. Memoria letta alla Reale Societą Boema delle Scienze, in Praga, il 23 ottobre 1854". Abhandlung der königlich. Bömischen Gesellschaft der Wissenschaften, V. Folge, 9. Band. Prag.] Ma za dal 1841 la societāt si veve vūt curāt dal Friūl: inte sō riviste al jere vignūt fūr il secont studi sientific che lu cognossģn su Resie [Sreznevskij, I.I. (1841). "Zprįwa o Rezianech". Casopis ceskeho Museum, XV, 3. Praha, 341-346.]

Passant pe vie dal Fier (Zelezna) si rive inte Place de Citāt Viere (Staromestske namesti). Parone de place e je la statue di Jan Hus.

Chest grant om, predi e retōr de Universitāt ³Carli IV² al crodeve che la Glesie si podeve riformāle di dentri. Cuant che al le a Costance par fevelānt cul concei, lu cjaparin e lu brusarin. Ma i Cecs no son un popul mugnestri e a lerin daūr des sōs ideis ancjemņ doi secui e mieē, fintremai che la armade dai Absburcs e torną a parā in ca i plevans catolics e a imponi la lenghe todescje, judade ancje di Zuan Fleischman, alias Sarcandri, che Karol Wojtila lu ą fat sant.

Jan Hus lu brusarin dal 1415, 68 agns prin che al nassčs Martin Luther. Cuintri di lui al scrivč ancje Indrģ di Strassolt, vescul di Concuardie. La rispueste chź plui biele, a Indrģ e a di chei altris di Costance, e je propit la scrite che si le lei dapīt de statue: Amaitsi, bramait veretāt a di chei altris. Chestis peraulis lis ąn gjavadis di une des letaris che Hus al scrivč biel che al spietave che lu brusassin.

Hus al doprave la lenghe dal popul e no il latin. Par chest al pensą ancje un mūt plui comut di scrivile. Cussģ al tacą a doprā lis pipis che si lis scrivin tes lenghis slavis ancjemņ in dģ di vuź e che lis utilizin ancje grafiis furlanis, tant a dī chź de Biblie.

Al merte fermāsi ancje sot de Torate dal Comun, dulą che e je picjade la tabele cui nons dai 27 sorestants cecs copāts dal 1621 di chei di Absburc, daspņ vinēūt il prin tocut de Vuere dai Trente Agns. Il puest dal maēalizi lu mostrin 27 crosutis par tiere daprūf de torate. Altris sorestants a rivarin a scjampā a timp. Par jenfri di lōr si salvą ancje Indrģ Matie di Thurn, il comandant de armade dal Parlament Cec, che i siei a vivin cumņ ancje in Furlanie a Zirą.

Cumņ si passe il zardinut e si cjape la vie des Rainis (Kaprova). Insom de vie, a drete e je la Facoltāt di Filosofie, dulą che dal 1991 a son cors di furlan. Dal sotpuarti si lu viōt ben al Cjastiel; il palaē dal president (chel a ēampe de catedrāl) al fo fat sł par Marie Taresie daūr dal progjet di Nicolau Pacąs.

Si svolte a ēampe lant daūr des sinis dal tram, la prime vie a ēampe e je la Veleslavinova, dulą che - al numar 4 - al jere il 'seminari di romanistiche cuant che Bindo Chiurlo al jere daūr a meti jł la sō antologjie de leterature furlane. I ultins trź agns, di nūf che al fo a Praghe, ju passą intal gnūf palaē de facoltāt che si ą viodūt prime.

In fonts de Veleslavinova si va a drete fintremai al grant complčs dal Clementinum, un coleē grandon dai Jesuitis, che in dģ di vuź al ten dentri la Biblioteche Nazionāl. Fintremai l'autun dal 1928 si cjatavin chi ancje lis aulis de Facoltāt di Filosofie, dulą che Chiurlo al insegnave talian.

In place Marianske si scjavace jł pe androne che si jentre intal complčs dal Clementinum e si salte fūr inte vie di Carli IV (Karlova), si svolte a drete fintremai il numar 2: il palaē Colorźt-Mansfeld (palac Colloredo-Mansfeld). Al merte ricuardāt che un grum di siōrs furlans a an vūt scombatūt inte Vuere dai Trente Agns de bande dai Absburcs. Il non chel plui grues al č chel di Ridolf di Colorźt, nassūt in Boemie a Ceske Budejovice, che al fo il lūctignint di Praghe e al parą la Citāt Viere dai Svedźs. So fi al cjolč une Mansfeld e di lōr a divegnin i Colorźts-Mansfeld che a vivin ancjemņ in Boemie. Ancje Ermes di Colorźt al scombatč intes Gjermaniis la Vuere dai Trente Agns.

Passāt il puint di Carli IV (Karluv most), si jentre te Bande Piēule (Mala Strana). Li si svolte a ēampe pe vie dai Bagns (Lazenska) fintremai la glesie di Sante Marie sot de Cjadene (Panna Marie pod retezem; visite: Sovran Ordin di Malte), dulą che al č il monument di Ridolf di Colorźt.

Cu la glesie daūr de schene si cjape la vie denant di nō (Prokopska), si scjavace lis sinis dal tram e o sin a Marcjāt (Trziste), si passe la ambassade irlandese, chź dai Stāts Unīts de Americhe e si va su pe vie dai Talians (Vlasska) fintremai l'ambassade todescje. Visavģ di jź al č l'Istitūt Talian di Culture (visite: Istitūt talian di Culture, Sporkova 12), che un dai prins diretōrs al fo Bindo Chiurlo.

Rivāts tal fonts de Sporkova, pes scjalis si passe ae vie di Jan Neruda (Nerudova) e si monte sł al Cjastiel (Hrad).

I palaēs des trź corts ju comedą l'architet di Marie Taresie Niculau Pacąs. Cundut che a sedin siei ducj i progjets, lui al podč stāi daūr dome aes voris pe prime e pe tierce corts, biel che la seconde le curą Anselmo Lurago. Pacąs al jere nassūt a Wiener Neustadt di une famee gurizane. I siei rapuarts cun Gurize ju testemonee ancje il palaē Attems, fat sł di lui te citāt furlane. Inte prime cort dal Cjastiel e je la biele Puarte Matie (Matyasova brana, Hradcanske namesti), vore di Vincenzo Scamozzi, l'architet des puartis di Palme. Al č avonde di confrontā la puarte praghese cun Puarte Aquilee di Palme par viodilu.

Un altri progjet di Pacąs (voris di Lurago) al č l'Istitūt pes Nobilis (Ustav slechticen) inte place di S. Zorē (namesti U Svateho Jiri). Il claustri di S. Zorē al č il prin de Boemie (973 d. C.). Inte basiliche a son lis tombis chźs plui vieris di chei di Premysl, la prime dinastie che e paroną in dute la Boemie. Di cheste famee al jere ancje Svatobor, che i Furlans lu cognossin cul non di Fidrģ tant che secont patriarcje cont dal Friūl. Un caratar di cheste dinastie al fo di tignī une politiche in pro dai claustris. Ancje Svatobor al sapontą i claustris furlans, anzit al metč sł chel di Mueē e chel di Rosacis. Cundut che al sedi stāt patriarcje dome che par trź agns (1084-1086).

Altris tombis di chei di Premysl si lis cjatin pes capelis dal cōr inte catedrāl di San Vīt. Impuartante ancje pai Furlans e je chź di Otacar Premysl II, che al salvą la unitāt de Patrie dal Friūl in chź volte che al murģ Grivōr di Montelongo (1269). Dulintor il cīl dal cōr a son lis stemis des tieris sot di chei di Absburc. Il secont di drete al č chel di Pordenon, plui in lą al č chel di Gurize e Gardiscje. Se si lume il cīl dal cōr, nol č un cās se al ricuarde lis glesiis des valadis dal Nadison: l'architet Valentin Simonitti al ą vūt mostrāt che il gotic di chźs valadis slovenis al č la ponte chź plui a misdģ dal gotic praghźs dal timp di Carli IV.

Juste il timp di Carli IV al ą lassāt i segns chei plui a fonts intai rapuarts di Praghe cul Friūl. Dal 1334 al 1380 a forin in trź i patriarcjis peāts cun lui, dute int une vore impuartante inte storie de Patrie, propit par vie de politiche di riforme che si le cjate ancje tai fats di Carli IV. Beltram (1334-1350), che al tignģ indaūr i siōrs furlans e al metč lis fondis di une rinassince de economie; Marcuart (1365-1380), che sot di lui a vignirin fūr lis Constitutiones Patriae Foriiulii, il codis des leēs de Patrie; e ancjemņ prin di lui Nicolau (1351-1358), fradi di Carli IV, che juste in chź volte al metč sł la universitāt di Cividāt. Nicolau i de doi fassicui dal Vanzeli di San Marc che lu crodevin scrit dal evangjelist di sō man a Aquilee. Cumņ chel manuscrit al č un di chei plui vieris (chel plui vieri?) intal Paīs Cec e si cjate te Biblioteche dal Cjapitul inte catedrāl.

Si torne fūr dal Cjastiel pe Puarte Matie e si dismonte a ēampe pes Scjalis dal Cjastiel (Zamecke schody) jł jł pe Thunovska fintremai la vie di San Tomās (Tomasska), dulą che si svolte a drete e si rive inte place di Wallenstein (Valdstejnske namesti). Il palaē Wallenstein - in dģ di vuź al loze il senāt - lu faserin sł par Albrecht di Wallenstein, il comandant de armade dai Absburcs inte Vuere dai Trente Agns. Chest specialist di maēalizis, mestri di Ridolf di Colorźt, si jere mostrāt pe prime volte in bataie propit intal ultin toc de Vuere di Gardiscje (1615-1618).

Zirant tor ator dal palaē si rive ae stazion Malostranska de linie A (chź verde) de metropolitane.