Furlan di Praghe

La frase furlane

Ordin no marcât des peraulis

determinant + non --- funtôr + verp --- determinant + non

(SUBIET --- VERP --- OBIET)

Esemplis.

Il camion al puarte il pan.

La siore e compre un libri.

Chel chi al è l'ordin des peraulis di fonde. Cussì a son lis frasis enunciativis.


Inversion

determinant + non --- verp + funtôr --- determinant + non

(SUBIET --- VERP --- OBIET)

Esemplis.

Il camion puartial il pan?

La siore comprie un libri?

Chel chi al è un ordin des peraulis marcât. Cussì a son lis frasis interogativis diretis.


Elements facultatîfs (...)

(determinant + non) --- funtôr + verp --- (determinant + non)

(determinant + non) --- verp + funtôr --- (determinant + non)

(SUBIET) --- VERP --- (OBIET)

Esemplis.

Il camion al cor.

E compre un libri.

Al plôf.

Il camion corial?

Comprie un libri?

Plovial?

*Torne insomp dal sfuei

Ultime version: ai 27 di otubar dal 2001

*Furlan di Praghe *glossaris *No dome lenghe *Giorgio Cadorini *Univerzita Karlova v Praze