Il passât compost al è un timp che si cjate in ducj i mûts verbâi personâi (fûr che l'imperatîf): indicatîf, coniuntîf e condizionâl. In chescj mûts o cjatìn ancje il passât bicompost; tal indicatîf ancje il passât sempliç.
Il passât compost lu fasin doi elements: il presint dal verp jutori e il participi passât. I verps jutoris chi a son doi: jessi/sei e vê. Il participi al ven daûr dal presint (in poesie ancje l'incontrari).
Spieli.
Par chel che al tocje il verp jutori di doprâ volte par volte, o podìn cjoli tant che forme no marcade (che si dopre par solit) il verp vê. Pal rest dai câs o vin dôs situazions: i câs dulà che si scuen doprâ jessi/sei e chei dulà che al è compagn ce verp jutori che si dopre.
Si scuen doprâ il verp jutori jessi/sei cun chescj verps intransitîfs: lâ, zî, vignî, partî, rivâ, restâ, jentrâ, jessî, tornâ, murî, nassi, colâ, sflurî. (Cfr. Nazzi Matalon 1977:101)
Si pues doprâ il verp jutori jessi/sei inta chescj câs:
Atents!
la frute e je lade
il frut al è lât
lis frutis a son ladis
i fruts a son lâts.
Doprant il verp jutori vê, il participi si pues acuardâlu cul obiet diret o ancje lassâlu cu la forme dal masculin:
O ai cjatât une amie.
O ai cjatade une amie.
Se l'obiet diret al è pandût dal funtôr, l'acordi al è obligatori:
Le ai cjatade îr.
Ind ai cjatâts dîs.
Ultime version: ai 28 di Zenâr dal 2004
*Furlan di Praghe *glossaris *No dome lenghe *Giorgio Cadorini *Univerzita Karlova v Praze