Furlan di Praghe

La apofonie

A si clame apofonie chel fenomen (che si lu cjate intune vore di lenghis) dulà che inte lidrîs di une peraule e je une vocâl che e pues mudâ daûr dal contest fonologjic: boli/bulî, frede/frêt, dolê/dulî. Il fenomen al cjape dentri ancje i diftoncs.

Intal furlan la apofonie e va daûr di cuatri principis:

Posizion toniche/atone

Lis vocâls a puedin sei intune silabe che e puarte l'acent de peraule - posizion toniche - oben intune silabe cence acent - posizion atone. Tant che forme di fonde par stabilî la lidrîs di une peraule o cjolìn pal plui il feminin singolâr (se al è) o la tierce persone singolâr dal presint indicatîf atîf cul funtôr daûr.

Posizion toniche di fonde / posizion atone
Posizion
toniche
di fonde
Posizion
atone
Esempli
o u bolie : bulî
ue u
o
scuegnie : scugnî
puedie : podê
ua u duarmie : durmî
ie i
e
piel : pilice
viele : veglone
e i tegnie : tignî

Lis alternancis che o vês intal scheme chi parsore no son obligatoriis. A son plui frecuentis in cierts dialets, par altri si cjatin di mancul intes peraulis cultis.


Silabe fuarte/flape

Lis silabis tonichis a àn doi caratars diviers daûr de vocâl che i si cjate, e cussì a puedin jessi fuartis se l'acent al cole su di une vocâl fuarte (û, ô, â, ê, î) e flapis inta chei altris câs.

Intes lidrîs che a finissin par ciertis consonants sonoris (d,g,l,r,s,v) la vocâl si infuarcìs cuant che la silabe e je la ultime inte peraule (e se si pues la consonant finâl e dovente sorde).

Silabe fuarte / silabe flape
Posizion
toniche
di fonde
Silabe
fuarte
Esempli
u û cusie : e cûs
o ô crodie : e crôt
ue û vuelie : e vûl
a â fasie : e fâs
e ê bevie : e bêf
i î disie : e dîs

Biel che pes consonants disore l'infuarciment al sedi automatic, pes consonants l e r a son doi grups di lidrîs, che une volte a vevin une inficje divierse, ma che cumò no si viodin lis disferencis (ven a stâi che il paradigme diviers al è stât lessicalizât).

Se si cognòs il latin, si pues rivâ a proviodi lis alternancis. Se intal latin la consonant e jere ugnule, intal furlan si infuarcìs, se no no mude.

L, R
Consonant Esempli Peraule latine
R cjare : cjâr CARAM
RR cjarut : cjar CARRUM
RN cjarnate : cjar CARNEM
L valie : e vâl VALET
LL biele : biel BELLAM

Il câs di cjarnate : cjar nus fâs viodi che cualchi volte nus jude a savê il paradigme ancje la lenghe furlane, che in altris formis e pues conservâ la consonant che si è pierdude intal finâl. Un altri câs al è chel di duarmie : e duar.

Atents! Visaisi che cuant che une peraule e finìs par vocâl + r, inte koinè si le pronunce simpri fuarte. Cussì cjâr, cjar e cjar intal scheme a si pronuncin compagns.

A si cjatin vocâls fuartis ancje fûr de silabe finâl des peraulis, ma inta chel câs par solit no si lu segne cu l'acent dopli. Al è il câs dal o di zenoli, che al contraste cul o flap di zenoglut.

*Torne insomp dal sfuei

Ultime version: ai 12 di març dal 2002

*Furlan di Praghe *glossaris *No dome lenghe *Giorgio Cadorini *Univerzita Karlova v Praze